Rumantsch

Uffizi da construcziun bassa dal Grischun

Er l'uffizi da construcziun bassa dal Grischun è represchentà en il world wide web. Nus vulain orientar Vus actualmain davart nossas incumbensas e noss projects, esser persuna da contact e communitgar Vus er intgins fatgs‚ davart las vias dal Grischun. Nus deplorain che nus pudain offerir Vus per entant be in pèr paucas indicaziuns en Vossa lingua materna.

En las Trais Lias eran responsablas mintgamai las vischnancas resp. las portas per il mantegniment da las vias che sa chattavan sin lur territori. Oz vegn questa incumbensa ademplida da l'uffizi da construcziun bassa dal Grischun, ina organisaziun cun stgars 500 collavuraturas e collavuraturs che lavuran mintga di per obtgnair vias da traffic bain mantegnidas e segiras. En il rom da l'administraziun chantunala è l'uffizi da construcziun bassa cun ses set districts cumpetent per la planisaziun, la projectaziun, l'amplificaziun e per il mantegniment da la rait da vias chantunala sco er per ils fatgs da la polizia stradala. Ultra da quai surveglia ed accumpogna el sco post spezialisà chantunal per dustanzas cunter flums e torrents las vischnancas tar la planisaziun, la projectaziun e la realisaziun da rempars da flums. Nossas collavuraturas e noss collavuraturs stattan gugent a disposiziun per infurmaziuns.

Nossas communicaziuns uffizialas sco exposiziuns, publicaziuns da lavur e da plazzas sco er annunzias da serradas da vias chattais Vus en il Fegl uffizial dal chantun. Da projects actuals da construcziun As infurmain nus cun nossas communicaziuns da pressa e cun l'Info da l'UCB. Sin noss gronds plazzals da construcziun pudais Vus er dumandar infurmaziuns directamain sin il lieu a noss spezialists.